(Видео) Бојко Ноев по интервјуто на Такер Карлсон: Путин е лажго, не треба да му се верува
Во последните години Путин се докажа како еден лажго, за светската јавност тој е еден лажго. Путин зборуваше така кога влезе во Крим. Немаше ништо заедничко со „зелените луѓе“, после призна дека биле негови луѓе и рече: Да, така беше. Тие се колнеа дека нема да влезат во Украина, влегоа и гледате што се случува. Токму поради тоа на Путин не треба воопшто да му се верува. Со овие зборови поранешниот министер за одбрана на Бугарија Бојко Ноев го коментираше интервјуто на американскиот новинар Такер Карлсон со претседателот на Руската федерација Владимир Путин во утринската програма на бугарската БТВ.
Според Ноев поважно е тоа што прави Путин, условно кажано Кремл во Бугарија и операциите на руското разузнавање во земјата.
„Во последните години се набљудува одредена активизација на службите за безбедност, но за жал се останува на хартија. Се останува на трибуната, соопштувано со големи наслови. Го помните рускиот шпион Малинов, кој во моментот патува слободно, тој е претседател на Светскиот проруски интернационал. По него беа откриени 2-3 шпионски групи, за кои беше соопштено на трибуната, од јавни обвинители, шефови на служби и сега повторно соопштуваат за шпиони“, вели Ноев како коментар за веста дека припадници на бугарски безбедносни структури се поврзани со руските безбедносни служби.
Ноев додава дека има сомнеж дека по овој случај ќе има напредок.
Што уште кажа поранешниот министер за одбрана на Бугарија во интервјуто пред бугарската телевизија БТВ, погледнете во видеото што следи:
