(Видео) Една година од трагедијата што ја потресе Северна Македонија

Една година од трагедијата што ја потресе Северна Македонија – година на неопислива тага и потрага по правда за неповратно изгубените млади животи, пишува БГНЕС.

Денеска на градските гробишта во Кочани беше отслужена заупокојна молитва, со која започна тридневното одбележување на годишнината од трагедијата во дискотеката „Пулс“.

Во раните утрински часови на 16 март 2025 година, 63 лица загинаа, а повеќе од 200 беа повредени во огнената стихија.

Заупокојната молитва беше претходена од литургија во црквата „Св. Великомаченик Георгиј“.

На лицата на роднините и пријателите на загинатите млади можеше да се прочита неизбришливата болка од трагедијата. Една година подоцна тие не престануваат да бараат одговори за причините за она што се случи во таа страшна ноќ на 16 март, кога врз душата на Македонија беше нанесена уште една крвава рана.