(Видео) Корупцијата и слабата економија- основни предизвици пред Маја Санду

Молдавија – мала држава меѓу Истокот и Западот, но со огромно геополитичко значење.

Парламентарните избори се претворија не само во натпревар меѓу партии, туку и во избор за насоката на земјата – кон Европската унија или повторно во орбитата на Москва.

Над три милиони избирачи и рекорден број избирачки места во странство, вклучително и за дијаспората. Гласањето беше обележано со силна поларизација, обвинувања за дезинформации и обиди за надворешно мешање.

Проевропската партија на претседателката Маја Санду ја зацврсти својата водечка улога, но пред неа стојат сериозни предизвици – корупцијата, слабата економија и нерешеното прашање за Приднестровје.

Овие избори се оценуваат како пресудни за иднината на Молдавија, но и како тест за нејзината способност да одолее на притисоците – и одвнатре и однадвор.

Ќе успее ли земјата да го продолжи патот кон евроинтеграција или ќе остане заробена во интересите на големите сили?

Тоа е залогот кој ќе ја возбудува не само Молдавија, туку и цела Европа.

Разговор на оваа тема во студиото на „Директно“ со новинарот и поранешен дописник на БНР во Москва Чавдар Стефанов и директорката на фондацијата Европски институт Љубов Панаjoтова.