(Видео) Проф. Матанов: Македонизмот ќе се сруши, ако прашањето со Скопје се реши на нашиот начин, тие сакаат да влезат во ЕУ прегазувајќи ја Бугарија

„Македонизмот ќе се сруши, ако работите се решат на нашиот начин. Нашите односи не беа добри во минатото, туку беа потиснати поради советско влијание. РС Македонија има одлучено да ја прегази Бугарија и насилно да влезе во ЕУ. Ова го изјави бугарскиот историчар Христо Матанов за бугарската телевизија Нова News.

Според него, барањето на решение на прашањето за РС Македонија ќе продолжи уште долго. „Преседан во акциите на ЕУ ќе биде одвојувањето на Албанија од случајот. Тие во моментов силно тежат на прашањето за членството во ЕУ. Никој не сакал бугарско малцинство да биде вклучено во македонскиот Устав. Ние сакаме Бугарите да бидат вклучени како државотворен народ“, рече тој.

Според новинарот Љубчо Нешков, изминативе 30 години Скопје и Софија се наоѓаат на дното на билатералните односи.

„Нема напредок во ниту една точка. Властите во Скопје никогаш нема да имаат толку отворена за компромиси влада кај нас, но сведоци сме на радикализација на нивните позиции. Македонија не сака да исполни ниту еден критериум поставен од ЕУ“, вели Нешков.

Според него РС Македонија изгубила 5 години и нема намера да тргне ни за микрон напред. „Антибугарската пропаганда се заснова на три работи – дека го оспоруваме нивниот идентитет, јазик и минато. Ние велиме дека прават што сакаат, кому му е важно на кој јазик зборува Пендаровски. Сепак, идентитетот на загинатите не може да се промени“, рече тој.