(Видео) Надзорна камера го сними обидот за убиство врз д-р Шахини
Снимка од безбедносна камера го открила моментот на нападот во Куманово, напаѓачот е сам, а жртвата се опоравува од повредите.
На социјалните мрежи се појави снимка од безбедносни камери на која се гледа моментот од денешното пукање во Куманово, кога непознато маскирано лице со пиштол пукало кон автомобил „Фолксваген голф“ во движење.
На видеото се гледа како напаѓачот, облечен во качулка, се доближува до автомобилот со кој се возел д-р Зеќирија Шахини – носител на листата на ДУИ за советот на Општина Липково – и неколкупати пука кон него.
Наспроти првичната информација од МВР дека нападот го извршиле двајца напаѓачи, снимката покажува дека пукачот бил сам.
Извор: Скопје 1
