(Видео) Никола Мушанов — бугарскиот премиер реформатор, кој станал жртва на политички прогон
Никола Мушанов е роден во пролетта 1872 година во Дрјаново, кога Бугарија сè уште била под османлиска власт. Студирал право во Франција, а во 1908 година влегол во државната управа на ослободената земја, пишува Актуално.
Во владите на Александар Малинов бил министер за народна просвета (1908–1910) и министер за внатрешни работи (1910–1911). Воведува целосна слобода на печатот, а Законот од 1909 година („Мушанов закон“) донел трајни реформи во образованието. Во време на економска криза иницирал амнестија.
Меѓу 1918 и 1919 година извршувал повеќе министерски функции, а бил претседател на Владата на Бугарија од 12 октомври 1931 до 19 мај 1934 година. Учествувал во кампањата за спасување на бугарските Евреи и го поттикнувал развојот на оперската уметност, поради што бил нарекуван „татко на бугарската опера“.
По Деветнаесеттомајскиот преврат во 1934 година бил отстранет од власт и подоцна повеќепати бил апсен и интерниран. Во 1922 година бил уапсен како лидер на Демократската партија без редовна судска постапка. По Втората светска војна Народниот суд го осудил на една година затвор поради учество во владата на Константин Муравиев, која се обидела да го избегне советското окупирање на земјата. По ослободувањето во 1945 година ја обновил Демократската партија.
Во 1947 и 1949 година повторно бил интерниран, а во мај 1951 година бил уапсен и убиен од комунистичката Државна безбедност.
Во своите белешки запишал дека, и покрај подарените куќи на државата, тој и сопругата останале без дом — симболичен крај на живот исполнет со државничка кариера и политички прогон.
