(Видео) Перев: Речиси сите наши надежи се во рацете на претседателот Радев и Консултативниот совет за национална безбедност

„Очекуваме многу работи од Консултативниот совет и од претседателот Румен Радев за брзото решавање на прашањето за правата на Бугарите во Македонија. Речиси сите наши надежи се во овој совет, од кој ќе има заклучоци и сознанија кои ќе го отворат патот за решавање на отворените прашања меѓу македонските Бугари и Македонците“, изјави колумнистот на „Трибуна“ Владимир Перев во утринската програма на Бугарската национална телевизија во однос на состанокот на Консултативниот совет за национална безбедност, што ќе биде свикан на 10 јануари од бугарскиот претседател Румен Радев.

Перев истакнува дека антибугарската кампања не само што не стивнува, туку се зголемува и влегува во друга фаза. Веќе официјално се бара правата на т.нар. македонско малцинство во Бугарија да влезат во бугарскиот Устав.

„Средбата меѓу премиерите на Бугарија и РСМ не дава надеж дека работите наскоро ќе се сменат“, додава Перев.