Се урна хангар на аеродром во Америка, има загинати и повредени
Хангар во изградба се урна на аеродром во американската сојузна држава Ајдахо, при што загинаа три, а повредени се девет лица.
АП јавува дека петмината повредени се во критична состојба.
An earlier look at the collapsed building near the Boise Airport. We’re waiting for the presser to start.
Video: @JohnMarkKrum pic.twitter.com/sgxBBCUnre
— Abby Davis (@AbbyDavisKTVB) February 1, 2024
Се известува дека вчера попладне по локално време пожарникарите добиле повик да интервенираат во приватен хангар каде се случил „катастрофален“ колапс.
Градската управа соопшти дека три лица загинале на лице место.
Се наведува дека пожарникарите успеале да го стабилизираат местото на несреќата и да спасат неколку лица.
„Сцената беше многу хаотична. Не знам што беше причината, но можам да ви кажам дека тоа беше многу големо уривање“, изјави Хамел за локалните медиуми.
Надлежните изјавија дека уривањето на хангарот не влијаело на редовното работење на аеродромот.
