Винарија од Бугарија со девет награди на престижен меѓународен конкурс во Франција
Бугарското вино доби значајно меѓународно признание откако винарницата „Вила Јамбол“ освои девет награди на престижниот конкурс Vinalies Internationales, организиран од Сојузот на енолози во Франција. Производителот постави рекорд со четири Големи златни медали, како и уште четири златни и еден сребрен медал, јавува Актуално.
Особено се издвојува Vineyards Selection Болјарово, оценето со 96 поени – највисок резултат за бугарско вино на овој конкурс. Високи оценки добија и Kabile Каберне Совињон Резерва 2019, како и врвните црвени вина од серијата Vineyards Selection.
„Исклучително сме среќни што нашите вина во сите ценовни категории беа оценети толку високо. Особено вредна е оценката за берби од предизвикувачки години како 2025-та. Ова ни докажува дека постојаноста, професионализмот и љубовта кон виното даваат резултати“, изјавија од тимот на винарницата.
На конкурсот, одржан во Кан, беа оценети 2654 вина од 44 држави од страна на 107 експерти.
