ВЛАДАТА СО ОПЕРАТИВЕН ТИМ ЌЕ СЕ БОРИ ПРОТИВ КРИМИНАЛОТ И КОРУПЦИЈАТА
Владата ќе формира оперативен тим за справување со криминалот и корупцијата. Таква одлука беше донесена на денешната редовна 149 седница на Владата на Република Македонија.
Во оперативниот тим ќе членуваат министерката за правда Рената Дескоска, заменик министерот за внатрешни работи, Агим Нухиу, директор на Бирото за јавна безбедност, Сашо Тасевски, директорот на Финансиска полиција, Арафат Муареми, директор на Царинската управа на Република Северна Македонија, Ѓоко Танасоски, директорката на УЈП, Сања Лукаревска, директорот на Управата за финансиско разузнавање, Блажо Трендафилов, досегашниот заменик директор на Управата за безбедност и контраразузнавање, Ариф Асани и директорот на Агенцијата за национална безбедност, Виктор Димовски.
