ВМРО-ДПМНЕ: СДСМ НЕ ПРЕВЗЕМА НИШТО ЗА ДА ГО РЕШИ ПРОБЛЕМОТ СО АЕРОЗАГАДУВАЊЕТО

Вести Истакнато Македонија

Граѓаните секојдневно ја плаќаат цената за загадениот воздух, а неспособната СДСМ не превзема ништо за да го реши проблемот. СДСМ покажува потполна негрижа за здравјето на граѓаните кои имаат се поголеми последици по здравјето од отровите кои ги вдишуваат, се вели во соопштението на политичката партија ВМРО-ДПМНЕ.

Додека во Собрание се дискутира за овој проблем, Шилегов и Макрадули сметаат дека е подобро да си играат играчки на мобилен или да си дремнат, затоа што за нив не е важно здравјето на граѓаните.

Ветуваа итни мерки за почист воздух, а две години не видовме ниту една мерка. Токму затоа ВМРО-ДПМНЕ излезе со препораки за подобрување на состојбите.

Болниците се преполни со пациенти кои секојдневно имаат проблеми со кардиоваскуларните и респираторните органи, затоа ВМРО-ДПМНЕ предлага целосна бесплатна заштита на сите граѓани каде е констатирано дека причината е загадувањето, со особено внимание на децата и хронично болните.

Бидејќи загаденоста е алармантна повеќе од 6 месеци во годината, сметаме дека финансиите кои граѓаните ги издвојуваат за лекување се голем товар за нивните семејни буџети во ситуација кога трошоците за се друго во државава стануваат поголеми.

Како дел од препораките е и редовно чистење на сите диви депонии и инспекциски надзор на локациите каде се пали отпад, а за виновниците да следат казни.

СДСМ и Заев се неспособни да се справат со загадувањето и време е да ја напуштат власта и да остават некој друг да го реши овој проблем. Граѓаните не заслужуваат да се гушат во загадениот воздух и да се завиваат во црно заради губењето на најблиските.

Црнилото кое надвиснало над државата мора да замине. ВМРО-ДПМНЕ ги повикува сите граѓани кои се против оваа ненародна власт да ни се приклучат во протесните маршеви ширум државата и заеднички да и кажеме не на оваа власт, се вели во соопштението на политичката партија ВМРО-ДПМНЕ.