Во Бугарскиот културен институт во Берлин беше отворена изложба посветена на 80-та годишнина од спасувањето на бугарските Евреи

Во Бугарскиот културен институт во Берлин беше претставена изложба на дела од бугарски уметници со еврејско потекло, јавува БТА. Иницијативата е посветена на 80-та годишнината од спасувањето на бугарските Евреи за време на Втората светска војна, во организација на Бугарскиот културен институт и Амбасадата на Бугарија во Берлин.

Делата прикажани на изложбата ги обезбеди Уметничката галерија од Русе. За време на настанот, формацијата „Енигма“ од Државната опера во Русе одржа концерт, а честитки на гостите упатија вонредниот и ополномоштен амбасадор на Бугарија во Германија Григор Порожанов и директорот на Бугарскиот културен институт Борислав Петранов.

Тие ја истакнаа важноста на годишнината од спасувањето на бугарските Евреи и силата на бугарското граѓанско општество, кое ги спаси своите сограѓани од еврејско потекло од логорите на смртта.

На гостите со поздрав им се обрати директорката на Уметничката галерија во Русе, Елена Великова.

„Прекрасните слики и магичната музика направија незаборавна вечер за многубројните гости кои дојдоа на настанот – претставници на еврејската заедница во Германија, германските институции и нашите сонародници“, велат од Амбасадата.

Како што напиша БТА, на изложбата во Бугарскиот културен институт беа претставени дела од Марко Бехар, Ана Крамер-Бехар, Дејвид Перец, Петранка Кац, Елиезер Алшек, Жак Авдала, Володja Кенарев, Греди Аса и Андреј Даниел.

За изложбата беше издаден и посебен двојазичен каталог. Издавачи на каталогот се БКИ-Берлин и Уметничка галерија – Русе, додаде Петранов. Изложбата ќе трае до 13 декември 2023 година.