Во Чикаго започна 104-от Конгрес на Македонската патриотична организација во САД и Канада
Во Чикаго започна 104-от Конгрес на Македонската патриотична организација (МПО) – една од најстарите и најавторитетни емигрантски организации во светот, пишува на својот профил на социјалната мрежа Facebook генералниот конзул на Бугарија во Чикаго Светослав Станков.
„Основана во 1922 година во САД од македонски Бугари, МПО ја носи во себе традицијата и заветот на генерации бегалци од географската област Македонија, кои се бореле за слобода, независност и зачувување на својата национална самобитност. Организацијата важи за една од најдемократските и најинклузивните меѓу емигрантските здруженија. Во своите редови прима секој што има корени од Македонија и го прифаќа нејзиниот Устав“, пишува Станков.
„Преку годините, МПО била верен чувар на каузата на македонските Бугари и децении наназад ја поддржувала дејноста на последниот лидер на историското ВМРО – Иван Михајлов, вклучително и издавањето на неговите дела, кои денес претставуваат значаен извор за бугарската и европската историја. Покрај политичката и културната активност, МПО има и голем придонес за духовниот живот на македонско-бугарската заедница во Северна Америка. Благодарение на организацијата, изградени се десетици православни цркви во САД и Канада, од кои многу денес се под омофорот на Бугарската патријаршија. Денес МПО претставува жив мост меѓу генерациите – простор на толеранција, каде старата и новата генерација иселеници од Македонија се гордеат со своите корени и културно наследство.
Ги поздравувам организаторите и учесниците во овој значаен форум и им посакувам успешна и плодотворна работа“, стои во објавата на генералниот конзул Станков.
