Бугарското обвинителство проверува дали има Руси и руски фирми со имоти во Бугарија, кои се санкционирани од САД, ЕУ и Велика Британија

Бугарското обвинителство соопшти дека ќе изврши проверка дали државјани на Руската Федерација, вклучени во разни списоци за санкции на Европската унија, САД и Велика Британија, стекнале недвижности на територијата на земјата. Иста проверка ќе се изврши и за правни лица, кои стекнале недвижен имот.

Ќе изврши проверка во врска со публикации во медиумите за присуство на неформални паравоени структури кои дејствуваат на територијата на земјата и за кои се наведува дека работат против националната безбедност на Република Бугарија.

Увидот е доделен на Државната агенција за национална безбедност (ДАНС), а по завршувањето материјалите треба да се пријават во Обвинителството за проценка на собраните податоци и за тоа дали постои основ за поведување предистражна постапка.