Во Хасково се одржува свечен пречек на маневрената рота од мисијата на KFOR во Косово
Свечена церемонија по повод пречекот на маневрената рота од составот на 2-та Тунџанска механизирана бригада на Копнените сили на Бугарија се одржува во бугарскиот град Хасково, јавува бугарското Министерство за одбрана. Маневрената рота учествуваше во составот на мултинационалниот баталјон на „Регионална команда – Запад“ од Стабилизациските сили на НАТО за одржување на безбедноста во Косово (KFOR).
Настанот започна во 10 часот локално време на плоштадот „Слобода“ во јужниот бугарски град. Воените лица ќе бидат поздравени од заменик-началникот на одбраната, генерал-лејтенант Михаил Попов. За време на церемонијата ќе бидат врачени награди за покажан висок професионализам и одлично извршување на поставените задачи.
