Во Љубљана веќе има јавна бугарска библиотека
На крајот од септември во Љубљана беше свечено отворена библиотека при Амбасадата на Бугарија во Словенија. Станува збор за заедничка иницијатива на дипломатското претставништво и новоформираното во 2024 година Бугарско културно друштво „Зорница“, кое веќе има и активна литературна секција, соопштија од Амбасадата, пренесува БНР.
Во специјално уреденото катче љубителите на литературата имаат пристап до повеќе од 250 наслови од бугарски, словенечки и светски автори. Дел од книгите се донации обезбедени со поддршка на Извршната агенција за Бугарите во странство и од членови на бугарската заедница во Словенија.
Богато е застапен и детскиот дел, кој ќе биде од голема корист за учениците од забавиштето „Бела уредна куќичка“ – секција при друштвото „Зорница“. Новата библиотека располага и со речници, референтна литература, како и со дела од познати бугарски писатели преведени на словенечки јазик.
Книги можат да се позајмуваат за период од еден месец, секој работен ден од 9:00 до 15:00 часот во зградата на Амбасадата на Бугарија, или за време на детскиот кружок – секоја втора сабота во месецот од 11:00 до 13:00 часот.
За информации поврзани со библиотеката, како и за можни донации на книги, заинтересираните можат да се обратат на електронските адреси на друштвото [email protected] и на Амбасадата на Бугарија [email protected].
