Во Софија беше отворен Пролетниот саем на книгата

Пролетниот саем на книгите во Софија беше отворен вчера пред Националниот дворец на културата. Повеќе од 140 издавачки куќи ги презентираат најновите книги во 67 штандови, јавува БНР.

Близу 100 се придружните настани, премиери на книги и средби со автори до 1 јуни, кога е последниот ден од саемот. Ова го раскажа за БНР Десислава Алексиева, претседател на Управниот одбор на здружението „Бугарска книга“, организатор на саемот:

„Многу средби со автори, многу книги со автографи, премиери на книги. Како и секогаш, тука се најновите наслови. Пресметувавме колку наслови има на саемот и тие со сигурност се над 80.000 наслови – тука во штандовите пред Националниот дворец на културата. Се разбира, го отвораме и Софискиот меѓународен литературен фестивал за деца и млади – најголемиот фестивал за детска литература со меѓународно учество. Имаме авторки од Украина, од Полска. Ќе делиме двојазични украински и бугарски книги, а нивните авторки се тука, така што децата ќе можат да си заминат и со книга со автограф.“