Во Софија е отворена изложба „Со почит кон тракиската керамика“

Галеријата „Арте“ ја претставува јубилејната изложба на уметникот Иван К’нчев, насловена „Со почит кон тракиската керамика“. Има и друга одлична вест поврзана со овој уметник – неодамна тој се врати од Фиренца, каде што му беше доделена меѓународна награда наречена „Донатело“, како една од најпрестижните уметнички награди во Фиренца, за уметници кои се истакнуваат по своите уметнички и стилски пребарувања – симбол на значајна уметничка дејност. Наградата се доделува од Фондацијата Ефето Арте, а церемонијата по доделувањето секогаш се одржува во палатата Боргезе.

Инаку, изложбата „Со почит на тракиската керамика“ на Иван К’нчев прикажува нови дела создадени специјално за овој простор, организирана е како скулптурална инсталација на неколку големи керамички тркалезни панели, во кои се впишани многу мали човечки фигури – многу лична техника на артистот.

Претставени се и неколку керамички садови од керамика со различна боја. Како што вели проф. Петар Цанев: „На кревката површина на различни мешавини на црна и црвена глина, уметникот создал нежни микропростори кои нè повикуваат да го согледаме светот од други позиции на свеста“.

Насловите „Рајска порта“, „Каде“, „Човеку каде си?“, „Вакуум“, „Премин“ ги откриваат овие дефиниции.