Военоморските сили на Бугарија учествуваат во големата вежба „Морски штит“ во Црно Море

Военоморските сили на Бугарија учествуваат во една од најголемите вежби во Црноморскиот регион „Морски штит“, која ќе трае десет дена и ќе вклучи војници од 13 држави, јавува бугарското Министерство за одбрана.

Во вежбата учествуваат војници од Бугарија, Канада, Франција, Германија, Грција, Италија, Холандија, Полска, Португалија, Шпанија, САД и Турција, со вкупно 48 пловни објекти, 64 борбени возила, 10 летала и 10 беспилотни системи.

Подготовката ја организираат романските поморски сили и се одржува во нивната зона на одговорност во Црното Море и реката Дунав. Вежбата опфаќа операции во повеќе средини – морска, речна, подводна, копнена и воздушна, со сложени сценарија.

Главната цел е зголемување на оперативната моќ и подобрувањето на координација меѓу вооружените сили и институциите за безбедност, како дел од напорите за стабилност во Црноморскиот регион и источното крило на НАТО.