За прв пат невработеноста во Бугарија падна под 150 илјади луѓе
За прв пат бројот на регистрирани невработени во Бугарија падна под 150 илјади луѓе, јавува БГНЕС.
Во декември 2024 г невработеноста во Бугарија изнесувала 5,23%, што е за 0,4% помалку во однос на истиот месец во 2023 г.
Во декември работа нашле вкупно 8.894 невработени лица.
На примарниот пазар на труд се објавени 3.903 слободни работни места, од кои најмногу во сферата на преработувачката индустрија (19,0%), потоа јавната администрација (15,2%), образованието (13,7%), трговијата (10,9%), угостителството ( 8,4%) и административните и помошни дејности (8,1%).
