ЗАЕВ: НЕМАМ СИМПТОМИ, ГИ ОЧЕКУВАМ РЕЗУЛТАТИТЕ ОД ТЕСТОТ
„Би сакал да ве информирам дека во текот на минатата недела имав ТВ интервју со новинар, за кој неодамна се утврди дека е позитивен на КОВИД-19. Иако во текот на интервјуто ги преземавме сите заштитни мерки како избегнување контакт и одржување дистанца, согласно сите протоколи, од денеска сум во самоизолација во мојот дом во Струмица. Немам симптоми, денеска се тестирав за присуство на вирусот и резултатите ги очекуваме во текот на денот – по што ќе се утврдат следните чекори“, напиша на facebook лидерот на СДСМ, Зоран Заев, откако министерот за здравство Венко Филипче на вонреден прес соопшти дека е утврден позитивен тест кај новинар што имал интервјуа со него и Мицкоски.
