Заврши националниот конкурс за Space Camp Türkiye: 82 ученици од Бугарија ќе добијат стипендии

Националниот конкурс за меѓународната образовна програма Space Camp Türkiye, создадена по модел на NASA, заврши со избор на 82 ученици кои ќе добијат целосни и делумни стипендии. Неколку стотици кандидати од цела Бугарија поминаа низ три етапи – есеј, видео проект и индивидуално интервју, јавува Актуално.

Темите годинава вклучуваа можноста кирилицата да стане „првата космичка азбука“, мисија на трет бугарски космонаут во форма на вештачка интелигенција и историски сценарија со примена на современи технологии.

„Ова дете е генијалец – како да разговараш со професор“, изјави член на жирито за еден од учесниците. Други стипендисти се истакнале со знаења во роботика, шах и високо ниво на научна и историска писменост.

Меѓу избраните има ученичка од ромско потекло која самостојно се пријавила, како и деца од семејства со ограничени финансиски можности. „Овие деца ќе донесат медали“, оценува жирито.

Во Измир учесниците ќе поминат обука според стандардите на NASA, вклучувајќи симулации на вселенски мисии и работа во меѓународни тимови.

Иницијативата е поддржана од Центарот за креативно учење и неговите партнери. Во изминатите години, над 850 бугарски ученици учествувале во програмата, освојувајќи повеќе од 300 медали.