Зеленски: Прекинот на огнот во Украина да биде главна тема на средбата меѓу Трамп и Путин
Украинскиот претседател Володимир Зеленски изјави дека постигнувањето на „итно“ примирје во Украина треба да биде „централна тема“ на средбата што е закажана за петок, 15 август, во Алјаска, меѓу американскиoт претседател Доналд Трамп и рускиот претседател Владимир Путин, јавува БГНЕС.
„Се надеваме дека главната тема на средбата ќе биде прекинот на огнот. Итно прекинување на огнот“, изјави Зеленски, пренесе АФП.
Зеленски нема да учествува на состанокот меѓу американскиот и рускиот лидер, но предупреди дека, доколку Русија одбие примирје, треба да бидат воведени и засилени санкции.
„Санкциите треба да бидат воведени и зајакнати, ако Русија не прифати прекин на огнот во Алјаска“, нагласи тој на прес-конференција.
