Желјазков: Ќе инсистираме пред грчките власти граничниот премин „Рудозем-Ксанти“ да започне со работа до следната година

Граничниот премин „Рудозем-Ксанти“, како и патот до него на територијата на Бугарија се целосно подготвени за употреба. Владата ќе инсистира пред грчките власти пунктот да започне да работи барем за автомобили и туристички сообраќај најдоцна до следната година, јавува БГНЕС.

Ова го истакна бугарскиот премиер Росен Желјазков пред новинарите во Чепеларе, каде присуствуваше на свеченото отворање на целосно обновениот центар на градот и пешачката улица.

„Знаете дека имаме билатерални прашања кои моментално се предмет на решавање, и токму поради тоа ова прашање треба да се издвои од контекстот и неговото поврзување со други билатерални прашања, за да се реши на најдобар можен начин за двете страни“, додаде тој.

Премиерот најави дека обиколниот пат кај Рудозем е близу до завршување. Следната недела ќе се одржи работна средба со градоначалникот, каде ќе се разгледа ажурираниот технички проект за патот, како и неговото финансирање. Средствата за ова ќе бидат обезбедени во следната година.

„Во текот на оваа година ќе се завршат работните проекти за третата лента на три делови од патот – еден пред Чепеларе и два по патот Чепеларе-Смолјан, а можно е следната година да се очекува јавната набавка и почетокот на изградбата, што сигурно ќе го олесни тешкиот сообраќај и создадените метоци во критичните делови од патот“, објасни Желјазков.

До финализирањето на обиколницата, сообраќајот ќе поминува низ Рудозем.