146 години од создавањето на бугарската дипломатска служба
Министерството за надворешни работи на Бугарија ја одбележува 146-годишнината од основањето на бугарската дипломатска служба.
На 19 јули 1879 година, со указ на кнезот Александар I Батенберг, биле назначени првите бугарски дипломатски претставници во странство. Драган Цанков ја претставувал Бугарија во Цариград, Евлоги Георгиев во Букурешт, а Димитар Кирович во Белград. Неколку години подоцна, како дипломатски агент во Санкт Петербург бил назначен Константин Стоилов.
Првиот министер за надворешни работи на Бугарија бил Марко Балабанов – правник, политичар и еден од првите професори на Софискиот универзитет. Балабанов одиграл значајна улога во решавањето на Бугарското национално прашање. Тој, заедно со Драган Цанков, патувал низ европските кралски дворови по задушувањето на Априлското востание, застапувајќи ја идејата за автономија на Бугарија.
Историчарот проф. Веселин Јанчев истакнува:
“Тој е човекот кој од првите денови активно се вклучува во работата на Канцеларијата за граѓанска управа, создадена од руската влада за идното управување со Бугарија. Учествува во градењето на новата бугарска државност како заменик-губернатор на првиот ослободен бугарски град – Свиштов, а потоа и во Русе. Бил пратеник на Трновското уставотворно собрание и еден од столбовите на конзервативното движење. Без Балабанов, тешко дека Бугарија ќе имала ваква надворешна политика и институција како Министерството за надворешни работи.”
Датумот 19 јули е утврден како Ден на бугарската дипломатска служба со резолуција на тогашната министерка за надворешни работи Надежда Михајлова во 1999 г.
