Усвоена информација за потребата од акциски план за борба против тероризам во Западен Балкан помеѓу ЕК и Северна Македонија

/

На предлог на Министерството за внатрешни работи, Владата на денешната седница ја разгледа и усвои и Информацијата во врска со потребата од потпишување Аранжман за спроведување на Заеднички акциски план за борба против тероризам во Западен Балкан помеѓу Европската комисија и властите во Република Северна Македонија. 

-Соочени со голем број на кризи, закани за мирот, стабилноста и безбедноста, а особено со закана од тероризам и насилен екстремизам, државите се обединуваат околу потребата од јакнење на капацитетите на органите за спроведување на законот, како и развој и унапредување на меѓународната соработка која е обединета во меѓународната коалиција за борба против тероризам, се вели во соопштението од Владата.

Од друга страна, се додава во него, исполнувањето на меѓународните стандарди за анализа и размена на безбедносните информации овозможуваат појасна слика за вистинските закани, но придонесуваат и за поголема подготвеност на надлежните институции за борба против тероризмот и насилниот екстремизам. 



Претходна статија

Министерот Алити на средба со Синдикатот на државната управа

Следна статија

Георгиевска: Минималната плата ќе биде околу 20 илјади денари во март, а пензиите ќе пораснат за 6 отсто

Најново од Вести