Во Њујорк се одржа концерт по повод 80-годишнината од спасувањето на бугарските Евреи

Во Центарот за еврејска историја во Њујорк на 4 април се одржа концертна вечер по повод 80-годишнината од спасувањето на бугарските Евреи во Втората светска војна и во чест на жртвите од холокаустот. Ова за БТА го соопшти Генералниот конзулат на Бугарија во градот.

Тричасовниот настан беше организиран од бугарското дипломатско претставништво во Њујорк, Центарот за еврејска историја во Менхетен, Американскиот еврејски комитет, Бугарски концертни вечери во Њујорк, Институтот за еврејски студии YIVO, Американското друштво за еврејска музика и Музичкиот фестивал во Маннес, информира МНР на Бугариja.

Програмата вклучуваше говори на Мајкл Левит, претседател на Американското еврејско музичко друштво, Ангел Ангелов, генерален конзул на Бугарија во Њујорк, д-р Џозеф Бенатов, професор на Универзитетот во Пенсилванија, извадок од филм за спасувањето на бугарските Евреи од филмската продуцентка Елка Николова, како и класична музика компонирана од бугарски и американски композитори со еврејско потекло и изведена од бугарски и американски музичари. Музичката програма ја координираше проф. Павлина Доковска, која помогна во организацијата на целиот настан.

Беше претставена статуетката „Духот“ од Каја Декелбаум, скулптор со бугарско и еврејско потекло – израз на благодарност до бугарскиот народ и неговиот подвиг – спасувањето на бугарските Евреи.

На настанот присуствуваа речиси 250 луѓе.