(Галерија) Илјадници Бугари зедоа учество на прославата по повод 24 мај во Чикаго

Илјадници Бугари зедоа учество во Парадата на Бугарија по повод 24 мај, Денот на светите браќа Кирил и Методиј и на бугарската азбука, образование и култура, што се одржа во Чикаго, САД. Ова во БГНЕС го извести бугарскиот генерален конзул во Чикаго Светослав Станков.

Празничната иницијатива се одржа со помош на градското собрание на селото Елк Гроув во Илиноис и Генералниот конзулат на Бугарија во Чикаго.

Официјални гости беа градоначалникот на Елк Гроув, Крег Џонсон и членот на градскиот совет Тами Милер. На парадата учествуваа сите 13 бугарски неделни училишта во Чикаго, фолклорни ансамбли, културни центри и патриотски организации.

„Градоначалникот Џонсон го објави 24 мај за Ден на Бугарија!!! Бугарите во Чикаго им дадоа пример на своите сонародници ширум светот дека можат да застанат обединети зад светата кауза, да ја заштитат нивната азбука, јазик, култура и традиции, како израз на нивниот бугарски идентитет Поздрав до бугарските учители ширум светот, апостолите на бугарското знаење и просветлување, креаторите на нашата духовност и самосвест како наследници на древна и голема нација. Поздрав!“, додаде Станков.

Меѓу специјалните гости во Чикаго беа и виолинистот Свет Радославов, како и големата ѕвезда на бугарската поп музика Марија Илиева.