Триесетина деца од Украина, кои загубиле родител во војната ќе бидат сместени на рехабилитација во „Златни песоци“ во Бугарија

Бугарската влада донесе уредба за одобрување дополнителни трошоци од буџетот на Министерството за надворешни работи за 2024 година во износ од 32.640 лева, јавува БГНЕС.

Средствата се наменети за финансирање на хуманитарен проект за сместување и рехабилитација во „Златни песоци“, на група од 30 украински деца кои загубиле родител во војната на Русија против Украина. Децата ќе бидат придружувани од наставник и психолог.

Реализацијата на овој хуманитарен проект е во согласност со бугарската поддршка за надминување на тешките последици врз Украина од целосната руска воена агресија и придонесува за продлабочување на билатералните односи меѓу Република Бугарија и Украина.