ПРОДОЛЖУВА СУДЕЊЕТО ПО СЛУЧАЈОТ „МОНСТРУМ“
Во Кривичниот суд во Скопје продолжува судењето за петкратното убиство кај Смилковско Езеро на 12 април 2012 година.
Случајот го води судијата Огнен Ставрев и се наоѓа во доказна постапка. На минатото рочиште беа презентирани докази обезбедени со посебни истражни мерки, но јавноста беше искучена. Случајот „Монструм“ во февруари минатата година почна од почеток, откако случајот го презеде СЈО.
За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.
