Изложба посветена на легендарниот ансамбл „Филип Кутев“ во БКИЦ-Скопје

Бугарскиот културно-информативен центар (БКИЦ) во Скопје реализираше нов проект – фотоизложба посветена на историјата и творештвото на светски познатиот Национален ансамбл за народни песни и танци „Филип Кутев“ од Бугарија.

Во соработка со самиот ансамбл, извршен е избор на фотографии кои го следат патот на оваа престижна институција низ нејзините 70 години постоење. На изложбата се претставени уникатни моменти од концерти во Бугарија и низ светот, кои го прикажуваат богатството на бугарскиот фолклор и неговата сценска магија.

Ансамблот, основан во 1951 година, е создаден од Филип Кутев (1903-1982) – еден од најголемите бугарски композитори и најдобри познавачи на традиционалната музика. Тој не само што го осмислил модерното сценско претставување на фолклорот, туку и создал школа чии ученици и денес го негуваат ова уметничка наследство.

Денес, ансамблот „Филип Кутев“ продолжува да ја носи убавината на бугарскиот фолклор низ целиот свет, а секоја негова појава претставува спектакуларно искуство исполнето со емоции, енергија и автентичност.