Д-Р АРБЕН ТАРАВАРИ ВО ОДБРАНА НА ПРОСВЕТНИОТ ИНСПЕКТОР ИЛИЕВСКИ

Повеќепати реагирав за неправдата и заканите кон просветниот инспектор Ѓорѓи Илиевски. Овој човек и неговата приказна се вистинско олицетворение за опасноста со која што се соочува секој оној кој што ќе реагира на незаконитоста и аномалиите во оваа држава. Во секое демократско општество досега ќе имаше одглас од институциите, навремен одговор на она што се случува, превенција лошото да не стане уште полошо, а не обратното, испраќање силна порака дека оние што си играат со Семоќните дебело ќе ја платат за тоа.

Овие наши институции, за жал, не се се подготвени за егзистенција и учење од културата во која само еден Твит може да стане голема вест, а само една изјава може да го преврти системот наопаку, иако истиот тој систем, за жал, одамна ни е поставен така.

Окото на гледачот и читателот, увото на слушателот, традиционално се изложени на информација за ПОСЛЕДИЦАТА и КАЗНАТА кон поединецот кој се спротивставува на аномалиите, а не КАЗНАТА И ПОСЛЕДИЦАТА за системот преполн со аномалии. Невролошки објасниво е дека сите ние се водиме од некакви навики, кои ни кажуваат што да правиме во секојдневието. Но навиката, дами и господа, е менлива работа. А за да се случи тоа мора да одлучиме да ја промениме. Редно е да се откажеме од лошата навика патот да ни го покажуваат дилетанти, аматери, импровизатори и криминогени структури. Единствениот добар начин за да се отстранат лошите навики е нивната замена со добри, напиша на својот профил градоначалникот на Општина Гостивар, д-р Арбен Таравари.