Ана Наков: За менe е чест и гордост да предавам бугарски јазик во училиштето во кое и јас самата сум учела

Учителката по бугарски јазик и литература, Ана Наков, во интервју за БНР изјави дека за неа е голема чест и гордост да предава во истото училиште каде што и самата учела – Теоретскиот лицеј „Св. св. Кирил и Методиј“ во Стар Бешенов, Романија.

Ова училиште е најстарото училиште во светот создадено од Бугари и годинава одбележува 280 години од своето основање. Таму денес учат над 500 ученици од прво до дванаесетто одделение. Новата учебна година беше свечено отворена на 8 септември од потпретседателката на Бугарија, Илијана Јотова.

„Учениците имаат по четири часа неделно бугарски јазик и литература, а во повисоките класови по три часа. Не им е тешко, напротив, им е интересно – кирилицата ја учат уште од прво одделение и брзо ја совладуваат. Знаат да читаат, пишуваат и да се изразуваат“, истакна Наков.

Таа додаде дека најголемиот предизвик денес е како да ги одвлечат децата од екраните и технологијата и да ги привлечат кон книгата. „Тоа е потешкото сега“, вели наставничката.

Ана Наков е сопруга на Георги Наков, пратеник во романскиот парламент и претставник на банатските Бугари – најстарата бугарска дијаспора во Романија.

„Најважно е дека работата ја вршиме со љубов и посветеност, а тоа се одразува и врз учениците. Училиштето е моето второ семејство“, нагласи Наков.