Во Софија ќе се отвори изложбата „Уметност што создава радост“

Во HOSTGALLERY Софија, денеска со почеток од 18:30 часот ќе биде отворена изложбата „Уметност што создава радост“, организирана од здружението „Уметност во акција“, јавува Актуално.

Експозицијата е резултат од едноимен проект за арт терапија, реализиран во периодот февруари – септември 2025 година во болницата „Аџибадем Сити Клиник УМБАЛ Токуда“ и санаториумот „Царица Јоана“ во Трјавна.

Програмата воведува иновативни арт терапевтски активности за деца кои минуваат низ долготрајно болничко лекување. Во рамки на осум тематски средби, исполнети со бои, емоции и слобода на изразување, малите учесници цртаа, моделираа, изработуваа колажи и фотографски проекти – активности што се претворија во мост кон радоста, имагинацијата и внатрешната сила.

Околу 70 деца и нивните семејства веќе го почувствуваа позитивното влијание на арт терапијата, која им даде можност да ја изразат својата храброст, емоции и надеж.

Изложбата не само што ќе ги претстави инспиративните дела на децата, туку ќе отвори и простор за разговор за улогата на уметноста во процесот на лекување, емоционално закрепнување и градење на заедници на поддршка.