| |

IV Балкански театарски фестивал Благоевград: сцена за модерниот европски театар

Вести, Истакнато, По надвор

Во Драмски театар „Никола Вапцаров“ – Благоевград се одржа прес-конференција по повод четвртото издание на Балканскиот театарски фестивал, кој ќе се одржи од 1 до 7 ноември годинава. На настанот присуствуваа Маргарита Мачева – директорка на театарот, Станислав Кимчев – заменик-градоначалник за култура, спорт и туризам на Општина Благоевград, и Христо Климентов – управител на „Арт Стејџ енд Фест“, јавува Пиринско.

Фестивалот и оваа година ќе го претвори Благоевград во сцена на културен дијалог и современа театарска размена, отворајќи простор за водечки европски режисери и нивните храбри сценски експерименти. Селекцијата е внимателно подготвена, со една претстава секоја вечер, што овозможува на публиката да се сретне со различни театарски јазици и естетики.

Меѓу најистакнатите настани се продукциите на реномирани европски имиња како Јернеј Лоренци и Деклан Донелан, чија работа претставува репер за современиот театар.

Програма на фестивалот:

  • 1 ноември: свечено отворање на плоштад „Георги Измирлиев“ (19:00, влез слободен) и претстава „Евангелието според Ф. М. Достоевски“ – Српски народен театар.
  • 2 ноември: „Дракула“ по Брам Стокер, реж. Стајко Мурџев – ДТ Благоевград.
  • 3 ноември: „Медеја“ по Еврипид, реж. Деклан Донелан – Народен театар „Иван Вазов“.
  • 4 ноември: „Кој го уби татко ми?“ по Едуард Ли, реж. Андреј Маџери – Театар „Метрополис“, Букурешт.
  • 5 ноември: „Слепите“ по Морис Метерлинк, реж. Кендрим Ријани – Турски театар, Скопје.
  • 6 ноември: „Велика“ од Тони Макнамара, реж. Стајко Мурџев – Мал градски театар „Зад канала“.
  • 7 ноември: „Жената на Хасан ага“, реж. Андраш Урбан – Театар Нови Сад, Србија.

Фестивалот се реализира во партнерство со Општина Благоевград, со поддршка на Национален фонд за култура и Министерството за култура на Република Бугарија.

Билетите се достапни на билетарницата на театарот и онлајн на dtblagoevgrad.com. За сите претстави на странски јазици се обезбедени титлови на бугарски, а за некои наслови и на англиски.

Слични Објави