Бугарскиот шампион во кревање тегови Карлос Насар беше награден со парична премија од Министерството за спорт и млади на Бугарија

На Светското првенство во Фјорде, Норвешка, бугарскиот шампион Карлос Насар го освои златниот медал во двобојот во категоријата до 94 килограми, со нов светски рекорд.

„Со твојот неверојатен талент, спортски дух и упорност докажа дека местото на бугарските тегови е меѓу најдобрите во светот“, изјави министерот Пешев при врачувањето на наградата, јавува Министерството за спорт и млади на Бугарија.

Министерот го пофали и тимот на Насар, доделувајќи почесни плакети на тренерите Павел Христов, Милко Георгиев и на масерот Атанас Литков. Тренерскиот штаб на светскиот шампион ќе биде награден и со парична премија од 66 000 лева.

„Додека сум министер за млади и спорт, ќе работам бугарските спортисти и младите таленти да продолжат да ја прославуваат Бугарија на меѓународната сцена и да се натпреваруваат за својата татковина“, додаде Пешев.

На церемонијата присуствуваше и извршниот директор на Бугарската спортска лотарија, Љубомир Петров, кој објави дека Карлос Насар има потпишано договор во вредност од 150 000 лева како официјално промотивно лице на лотаријата.

Претходно оваа година, Насар беше награден со 60 000 лева од Министерството за млади и спорт за трите медали што ги освои на Европското првенство во Кишињев, Молдавија.