Нова Република: Милиони долари на режимот на Мадуро се движеле и низ нашиот банкарски систем

Да се потсетиме: Милиони долари на режимот на Мадуро се движеле и низ нашиот банкарски систем. Остана непознаницата за чии потреби и врски овие пари влегле во Северна Македонија и каде завршиле, стои во соопштение на Нова Република.

Властите и на СДСМ и на ВМРО-ДПМНЕ редоследно ги превенираа истрагите за овие потенцијални врски на домашниот банкарски со нарко-авторитарниот режим на Мадуро – неспроведувајќи истрага за “Евростандард Банка” и потоа ликвидирајќи ја низ “независната” НБРСМ.

Оттука, за ВМРО-ДПМНЕ дистанца од своите авторитарни браќа во Белград, Будимпешта, Москва се до Каракас ќе значи само отворањето на “венецуелската врска” во Северна Македонија.

За СДСМ дистанца од нарко-политичките картели ќе значи утврдувањето на улогата на нејзините тогашни функционери во несанкционирањето на таквата “венецуелска врска” во Северна Македонија.

Соочувањето на македонската финансиско-политичка “елита” со овие дејства и соучесништвото на истрагата, правосудството и монетарната власт во прикривањето на оваа афера “чудесно” ќе ги деблокира и борбата против корупцијата и криминалот и европските интеграции, стои во соопштението на Нова Република.