Гардискиот оркестар на Бугарија со блескав настап на фестивалот „Bremen Tattoo“ во Германија
Гардискиот оркестар при Националната гарда на Бугарија учествуваше на меѓународниот музички парад „Bremen Tattoo“ во Сојузна Република Германија во периодот од 15 до 19 јануари 2026 година, јавува БГНЕС.
Делот од церемонијално-сценскиот спектакл „Искри“, претставен од оркестарот, го следеа десетици илјади гледачи во салата ÖVB-Arena во градот Бремен. Настапите беа наградени со бурни аплаузи поради разновидноста и високото професионално мајсторство на оркестрантите.
Оркестарот повеќепати учествувал на паради на воени оркестри и музички фестивали во Германија, при што неговите настапи биле оценувани како одлични и на високо професионално ниво.
Со ваквите учества, Гардискиот оркестар придонесува за зацврстување на авторитетот на Република Бугарија и Бугарската армија, за промоција на бугарските музички традиции и вредности, како и за унапредување на професионалната подготовка на воените оркестранти.
