Десетото издание на конкурсот по читање на бугарски јазик за деца од бугарската дијаспора ќе се одржи на 27 јуни во Париз

Десеттото издание на конкурсот по читање на бугарски јазик за деца од бугарската дијаспора ќе се одржи на 27 јуни во Париз. Крајниот рок за пријавување е 1 мај до 23:59 часот по бугарско време, изјави за Радио Бугарија Росица Бајрактарски од неделното училиште „Аз Буки Веди“ во Келн, од каде потекнува иницијативата.

Пријавувањето се врши преку училиштата, а имињата на учесниците може да се достават до 10 јуни. Домаќин оваа година е училиштето „Св. св. Кирил и Методиј“ во Париз.

Во изминатите десет години учествувале околу 25 бугарски училишта од различни држави и близу 400 деца. Годинава се пријавени 28 училишта од 9 земји, а учество ќе земат и поранешни носители на титулите „цар“ и „царица на буквите“.

Натпреварот ќе започне во 10:30 часот на улицата „d’Assas“ 64 во Париз. Настанот е финансиран од Министерството за образование и наука на Бугарија и се одржува под покровителство на амбасадорката на Бугарија во Франција, Радка Балабанова-Рулева.