Грчките медиуми: DARA е големата сензација на Евровизија

Грчките медиуми денеска ја нарекоа DARA „големата сензација на Евровизија“ по победата на Бугарија на музичкиот натпревар, јавува БНР.

Весникот „Та неа“ објави дека „Бугарија го освои врвот на Европа“, додека „Прото тема“ пишува за изненадувањето што го донесе песната „Бангаранга“, со која Бугарија ги надминала сите претходни прогнози.

Телевизијата „Мега“ објави дека песната е создадена од меѓународен тим автори, меѓу кои и грчкиот композитор Димитрис Контопулос. Тој изјави дека успехот се должи на целосниот синхрон меѓу музиката, кореографијата и настапот на DARA.

„Гласот на Атина“ емитуваше репортажа за победата во Виена, а „Иефимерида“ оцени дека „DARA ја освои публиката и ја разнесе сцената со емоции“.