Бугарскиот институт за вештачка интелигенција INSAIT добива престижно светско научно признание
Институтот за компјутерски науки, вештачка интелигенција и технологии INSAIT во рамките на Софискиот универзитет „Св. Климент Охридски“ добива едно од најпрестижните научни признанија во светот, јавува БГНЕС.
Проектот, наградата и нејзиното значење за Бугарија ќе бидат претставени во вторник, на настан со учество на премиерот Румен Радев, вицепремиерот Атанас Пеканов, министерот за образование и наука проф. Георги В’лчев, претставници на Софискиот универзитет и раководството на INSAIT.
Признанието следува откако научен труд со водечки автор бугарскиот докторанд Иво Петров од INSAIT доби Spotlight признание на ICML 2026, една од најпрестижните конференции за вештачка интелигенција и машинско учење.
Трудот „BrokenMath: A Benchmark for Sycophancy in Theorem Proving with LLMs“ претставува нов тест за тоа колку AI моделите можат да препознаваат и отфрлаат неточни математички тврдења. Разработката се оценува како важен чекор кон посигурни системи за вештачка интелигенција.
Ова е првпат во речиси 50-годишната историја на ICML труд од бугарска институција да добие вакво признание. Разработката ќе биде претставена во јули на ICML 2026 во Сеул, Република Кореја.
