Градоначалникот на Софија: На Бугарија ѝ се потребни примери како Никола Цолов и Григор Димитров

Градоначалникот на Софија, Васил Терзиев, изјави дека Бугарија има потреба од примери како Никола Цолов и Григор Димитров, пренесува БТА.

Во објава на Фејсбук, тој им честиташе на двајцата спортисти за последните успеси и истакна дека големите победи не почнуваат на финалната линија, туку многу порано — „со карактерот“.

Терзиев нагласи дека спортските успеси понекогаш значат многу повеќе од победа, бидејќи потсетуваат кои сме и што можеме да постигнеме.

Според него, Цолов продолжува да ја испишува историјата на бугарскиот мото спорт со победи на легендарни патеки, додека Димитров повторно го покажал карактерот што го вбројува меѓу најпочитуваните тенисери во светската елита.

Градоначалникот им се заблагодари на двајцата спортисти што прават многу Бугари да се гордеат со нивните достигнувања.