Варна е домаќин на првото издание на Меѓународен фестивал на црковна музика
На 4 и 5 август во Летниот театар во Варна ќе се одржи првото издание на Меѓународниот фестивал на црковна музика „Св. Богородица Портаитиса“, со учество на изведувачи на православна духовна музика од Бугарија, Северна Македонија, Романија, Србија, Грузија и Либан, јавува Радио Бугарија.
Фестивалот го носи името на Пресвета Богородица, небесната покровителка и заштитничка на Варна. Нејзиниот образ „Портаитиса“, односно „Чуварка на портите“, ги симболизира духовната заштита, надежта и гостопримството.
Двата концерта ќе почнат во 20:30 часот. Бесплатни билети со означени места ќе се делат на влезот од 19:30 часот до исполнување на капацитетот, соопшти Варненската и Великопреславска света митрополија.
