Одбележуваме 62 години од смртта на бугарската револуционерка, припадничка на ВМРО и сопруга на Иван Михајлов Мелпомена Крничева

На денешниот ден 10 септември 2026 г. ја одбележуваме 62-та годишнина од смртта на Мелпомена Крничева, бугарска револуционерка, припадничка на ВМРО и сопруга на водачот на Организацијата Иван Михајлов.

Мелпомена Крничева е родена на 16 март 1901 г. во Крушево, во влашко семејство со бугарска национална определба. По задушувањето на Илинденско-преображенското востание во 1903 година, со мајка ѝ се преселила кај татко ѝ, кој работел во Софија, а подоцна и во Цариброд.

Во 1918 година заминала на студии во Минхен, но по завршувањето на Првата светска војна се вратила во Бугарија. Се вклучила во женското движење на македонската емиграција и првично била блиска до кругот на Тодор Паница. Подоцна се разочарала од неговата политика поврзана со Коминтерна и се приклучила кон десното крило на ВМРО. На 15 март 1924 година официјално станала член на организацијата.

На 8 мај 1925 година, во Бургтеатарот во Виена, Крничева го застрелала Тодор Паница. Убиството предизвикало голем одек во Европа. Таа била уапсена и осудена на осум години затвор, но поради тешката здравствена состојба австриските власти ја прогласиле за неспособна да ја издржува казната. Кон крајот на 1925 година била ослободена и протерана од Австрија.

На 25 декември 1926 година Менча Крничева се омажила за водачот на ВМРО Иван Михајлов. По 1934 година го следела во емиграција во Турција, Полска и Унгарија. Во 1941 година живееле во Загреб, а во 1944 година за краток временски период престојувале и во Скопје.

По Втората светска војна Крничева и Михајлов се населиле во Рим, каде што таа останала до својата смрт на 10 септември 1964 година.