Бугарија и Кина ќе ја зајакнуваат туристичката соработка
Бугарскиот министер за туризам Илин Димитров и кинескиот министер за култура и туризам Сун Јели во Пекин разговараа за зголемување на туристичката размена и за поголема промоција на Бугарија на кинескиот пазар.
Меѓу главните теми биле можноста за директна авионска линија меѓу двете земји, забрзување на процедурите за издавање визи за кинески туристи и воспоставување подиректни контакти меѓу туристичките компании.
„Кина е еден од најголемите туристички пазари во светот и Бугарија треба да биде многу повидлива на него“, изјави Димитров.
Министрите разговарале и за организирање економски форум на кинески и бугарски туроператори за време на Фестивалот на розата во Казанлак. Димитров му врачил на Сун Јели официјална покана да ја посети Бугарија.
Средбата се одржала во рамки на посетата на Димитров на Пекин за учество на 19. сесија на Бугарско-кинеската меѓувладина мешовита комисија за економска соработка.
