Бугарската атлетичарка Викторија Ангелова е меѓу номинираните за „Ѕвезда во подем“ на Европа

Европската и светска шампионка во трискок за јуниорки бугарската атлетичарка Викторија Ангелова е меѓу десетте номинирани за признанието „Ѕвезда во подем“ на Европа за 2026 година, јавува БНР.

Во јули, избраничката на Георги Помашки ја освои европската титула до 18 години во Риети со личен рекорд од 13,98 метри, што воедно беше и најдобар светски резултат сезонава во конкуренција до 20 години.

Еден месец подоцна Ангелова триумфираше и на Светското првенство до 20 години во Јуџин, САД.

За наградата конкурираат уште девет млади атлетичарки од Европа, меѓу кои европски и светски шампионки и рекордерки во спринт, спортско одење, фрлачки дисциплини, повеќебој и други дисциплини.

Конечниот избор ќе биде одреден според гласовите на четири панели – експертите на Европската атлетика, членките на асоцијацијата, медиумите и публиката. Секој панел учествува со по 25 проценти во вкупната оценка.

Минатата година меѓу тројцата финалисти за истото признание во машка конкуренција беше и бугарскиот атлетичар Божидар Сарабојуков.