Сè повеќе бугарски компании се заинтересирани за производство на технологии во сферата на безбедноста и одбраната

Сè повеќе бугарски компании пројавуваат интерес за развој на технологии за безбедност и одбрана, а иновацискиот екосистем во земјата се проширува, изјави министерот за иновации и дигитална трансформација на Бугарија Иван Василев на отворањето на состанокот на Одборот на директори на акцелераторот за одбранбени иновации на НАТО – DIANA во Софија.

Состанокот се одржa во „Софија Тех Парк“, кој е еден од најновите акцелераторски центри вклучени во мрежата на DIANA.

„Софија Тех Парк ќе им овозможи на стартапи од Алијансата да доаѓаат во Бугарија за да добиваат обука, да стекнуваат вредни знаења и да развиваат современи технологии со двојна употреба“, изјави Василев.

Бугарија располага и со четири центри за тестирање во рамките на програмата, специјализирани за големи податочни масиви, вештачка интелигенција, нови технологии, автономни системи, микроелектроника, сајбер-безбедност и квантни технологии.

„Заедно со Софија Тех Парк, овие центри покажуваат дека нашата земја располага со потребната експертиза и инфраструктура за да го поддржи развојот и валидацијата на технологии“, рече Василев.

Министерот ја нагласи и важноста од натамошен развој на програмата во тесна соработка со сите сојузници.