Цолов по дебито во Формула 1: „Навистина сум многу задоволен“
Бугарскиот возач Никола Цолов го заврши на 12. место првиот слободен тренинг пред Големата награда на Мексико, дебитирајќи во тркачки викенд во Формула 1. Во изјава за каналот на Рејсинг Булс, тој изрази задоволство од настапот, во кој го замени Лиам Лосон, соопштува БГНЕС.
„Сè што се случи беше прилично нереално. Малку хаотично, но со многу позитивен резултат. Навистина сум многу задоволен од сè“, изјави Цолов.
Тој им се заблагодари на Ред Бул и на Рејсинг Булс за можноста да настапи.
Цолов беше трет најбрз меѓу возачите што ги заменија редовните пилоти на тренингот. Пред бугарскиот претендент за титулата во Формула 2 се пласираа само Фредерик Вести во Мерцедес и Ајуму Иваса во Ред Бул.
