| |

Бугарија и Ирска разменија искуства за заштитата на децата и поддршката на семејствата

Бугарска делегација престојуваше во дводневна работна посета на Ирска посветена на заштитата на децата и поддршката на семејствата, соопшти Амбасадата на Бугарија во Даблин. На 18 ноември, на крајот од посетата, делегацијата ја информираше бугарската амбасадорка Вања Андреева за исходот од разговорите.

Во фокусот беа организацијата и управувањето со ирскиот систем за заштита на децата, координацијата меѓу надлежните институции, социјалните услуги, поддршката на семејствата и алтернативната грижа за децата.

Посетата ја организираше УНИЦЕФ Бугарија во соработка со ирското Министерство за деца, лица со попреченост и еднаквост и со ирската Агенција за деца и семејства „Тусла“.

Во делегацијата учествуваа претставници на бугарското Министерство за труд и социјална политика, Агенцијата за квалитет на социјалните услуги, Државната агенција за заштита на децата, Агенцијата за социјална помош и Државната агенција за бегалци. Учествуваа и претставници на Националното здружение на општините во Бугарија, Националната мрежа за деца и УНИЦЕФ Бугарија.

„Амбасадата на Бугарија во Даблин ја поддржува и ја поттикнува заемната размена на добри практики меѓу Бугарија и Ирска за поефикасни политики и услуги во интерес на децата, семејствата и општеството во целина“, се наведува во соопштението.

Слични Објави