ПРИСИЛНОТО ИЗВРШУВАЊЕ КАЈ СОЦИЈАЛНО ЗАГРОЗЕНИТЕ ГРАЃАНИ ЗАПРЕНО СО ЗАКОН
Министерката за правда Рената Дескоска преку Фејсбук информира дека вчера е усвоена измената на Законот за извршителите.
– Со измените целосно се изземаат од присилното извршување примањата на граѓани кои се корисници на гарантирана минимална помош од социјалната заштита, примањата на децата согласно законот за заштита на децата, како и примањата за социјална сигурност на старите лица, напиша Дескоска .
Министерката за правда Рената Дескоска на својот фејсбук-профил објави дека измената на Законот за извршување е одраз на реалната потреба за помош и поддршка на загрозените категории на лица кои се соочуваат со егзистенцијални проблеми, но и на социјално ранливите групи на лица, кои не по своја вина не се во можност да го намират своите долгови без да им се загрози егзистенцијата, не само лична, туку и на нивните семејства.
– Со измените целосно се изземаат од присилното извршување примањата на граѓани кои се корисници на гарантирана минимална помош од социјалната заштита, примањата на децата согласно Законот за заштита на децата, како и примањата за социјална сигурност на старите лица, согласно прописите за социјална сигурност на старите лица. Дополнително со измените се намалува износот на максималната вредност која може да биде задржана односно се менуваат. Дополнително, ограничувања на извршувањето и тоа од 1/3 на 1/5 од плата и пензијата за лицата приматели на просечна плата и пензија, надомест на трошоци за сместување на лице и надоместок за згрижување на згрижувачко семејство, како и за децата корисници на семејна пензија, појаснува Дескоска.
